aruba trading

Aruba Trading y Amazonia ta orguyoso di por presenta ganadornan di rifa


Durante e siman di Dia di Tata, Amazonia a sirbi cuminda excelente den un ambiente familiar, combina cu un cantidad di sorpresa, cual a haci e experiencia di come mas excitante ainda. E importador local di liquor di calidad, Aruba Trading Company, a wordo pidi pa contribui cu algun premio dibertido, y Amazonia tambe a premia un certificado di regalo pa un cena delicioso, na un bishitante cu suerte. E premionan a wordo parti durante un encuentro chikito, durante cual Corne van den Broek a gana e cena pa dos, Yuan Zheng Wu y Evan Peterson cada un a gana un botter di Hennessey Cognac, Oreon Mathew a gana un tas cu accesorionan Hulandes, Taylor Escobedo a gana un tas cu accesorio Brasilero, Ferdinand Fluowig y Laumar Lasten a gana pechi, y Leonard Rozado a gana un caha di Cerbes Presidente Light. Tur dia di fiesta semper semper ta wordo celebra den gran estilo na Amazonia, segun Gerente General Raymond Talbot, kende tambe a informa cu e Sushi Salsa nobo ta cla pa ricibi amante di sushi na cualkier momento, y cu e bar y lounge refresca di Amazonia ta habri pa entretene amantenan di futbol. Aki por mira e partimento di e premionan entre e ganadornan cu suerte.