ARUBA LO TA E SEDE DI E QUALIFICACION PA CARIBBEAN CUP 2014


Ariba 30 di mei, 1 y 3 di juni 2014 Aruba lo ta e sede di Caribbean Cup

Qualifications. Durante 3 dia largo lo tin batayanan ta andando entre British Virgin

Islands, French Guiana, Turks & Caicos y sin lubida nos mesun talentonan di nos

ekipo Nacional Aruba. Weganan lo tuma lugar na Centro Deportivo Guillermo Prospero

Trinidad. Cada dia tin dos partido. Entrada pa tur tres dia ta solamente AWG 65,- cual

ta inclui un Aruba Fan Shirt. Si ta desea di cumpra entrada pa wega pre benta lo ta

AWG 15,- y na porta AWG 17.50, Aruba Fan Shirt ta AWG 25,-. Benta di karchi y e

Aruba Fan package ja caba ta obetnibel na Technical Center Angel Botta Na Stadion

Frans Figaroa. Durante siman e entradanan lo ta obtenibel tambe na Urataka Center,

Espiga de Oro, Ritz Savaneta y Ritz Boulevard, Bright Bakery y Gayo Rojo. Ja caba por

reserva bo entrada mandando un mail na bigfan@avbaruba.aw. Mucha nan bow di 10

anja ta drenta pornada pero nan mester ta acompanja pa un major.

Conhuntamente cu e team dynamico di Aruba Rocks a crea un tshirt color blauw di

Aruba cu e texto ‘Small Island, BIG FAN’ dilanti y number 12 patras. Pa kico number

12? Na Hulandes nan ta bisa cu esnan den publico ta ‘de twaalfde man’. Pues e

fanaticonan tur ta number 12.

Aruba Voetbalbond kier a gradici e patrocinadornan De Palm Tours, La Mania, Cerbez

Balashi, Aruba Rocks, Gamma, Body Manipulations, Subway Aruba, Caliente FM,

Latina FM, Urataka Center, Ritz Aruba, Brith Bakery, Gayo Rojo, InGenuity Creative

Marketing y MIO Wireless.

Si bo ta un Arubiano bo lo no kier perde e tremendo partidonan dianan 30 di mei, 1 di

juni y 3 di juni. Aunque ja hopi caba ta cabes pa mundial y ja caba ta saca nan bandera

di nan pais preferi tin di corda cu nos ta di nos dushi Aruba. Pesei ban demostra cu nos

por ta chiquito pero nos ta para firma patras di nos mes un Seleccion Nacional. Saca

bo bandera di Aruba pega esaki na bo auto y demostra bo apoyo y sea parti di historia.

Ban yega stadion den massa e dianan aki e demostra cu nos ta un isla chiquito pero cu

fanaticonan grandi!