Art Rules Aruba di RBC Royal Bank SOLD OUT

Art Rules Aruba di RBC Royal Bank un biaha mas ta sold out! Aunke cu e programa ta yen, maestronan ta habriendo algun cupo adicional!!! Esaki ta mas cu motibo pa celebra na e oficina di Art Rules. No solamente pasobra e programa ta celebrando su di 5 aniversario, pero tambe pa motibo cu registracion a yena un biaha mas pa su capacidad maximo. Aunke cu e tayernan ta yen, organisadornan y maestronan ta purbando pa acomoda e necesidad y popularidad di e programa, habriendo algun cupo adicional den e disciplinanan di Arte Culinario, Media Creativo, Moda y DJ. Organisadornan Ira y Ayra ta sumamente contento cu e programa ta sigui di ta un exito y contento pa mira e lesnan den tur disciplina yena. Hasta e bonus tayer di Art Rules Junior pa muchanan entre 9-12 aña ta un exito instantaneo, unda cu registracionnan a yena e les den masha poco tempo. Ayra Kip a splica, “Ora nos a cuminsa, bo por a mira e diferencia claramente entre e disciplinanan popular. Baile y Teatro semper tabata yen. Awo, despues di un paar di aña, tur disciplina ta yena e programa. Art Rules bira conoci pa e hecho cu e ta ofrece disciplinanan “contemporaneo” mientras cu nos ta desaroya educacion di arte cu ta directamente relaciona cu e interesnan actual di no solamente e generacion mas hoben, pero tambe e industria actual”. Art Rules Aruba definitivamente a crea un plataforma pa tayernan no-tradicional, cual a crea un oferta dinamico den desaroyo artistico pa hobennan artistico riba e isla. Tayernan manera Arte Culinario y DJ ta ehempelnan principal ya cu nan ta relativamente nobo como tayernan di arte. Ora Art Rules a cuminsa, DJ tabata e nobo di mas nobo, sinembargo awo DJ a bira algo sumamente necesario cu no por wordo reemplasa den e programa, y hasta den e desaroyo di educacion di arte na Aruba. Muchanan tur caminda riba e isla kier bira DJ. Nos ta mira e mesun tendencia na Corsow”. Mirando loke e maestronan realisticamente por haci, organisadornan a confirma cu nan ta habriendo algun cupo, cualnan lo permiti mas mucha pa participa, y alaves teniendo na cuenta e standardnan di e programa. “Art Rules no ta cu cantidad, sino calidad, y pa e motibo aki ta importante cu nos presta hopi atencion na e cantidad di cupo cu nos por ofrece pa permiti e studiantenan pa ricibi e entrenamento individual necesario.” Lesnan lo cuminsa riba dia 7 di Juli y tuma luga na Cas Di Cultura, conhuntamente cu e Da Vinci Academy, cual tambe ta preparando su espacio pa facilita e programa. Nan ta invitando tur mucha cu ta stima arte y no tin plannan pa e zomer aki. No perde e oportunidad pa sigui tayernan cu e miho artistanan internacional for di rond di mundo. Probecha di e registracion laat di Art Rules via www.artrlulesaruba.com/apply E programa ta cuminsa dia 5 di Juli y lesnan ta tuma luga di 7 pa 18 di Juli! Art Rules tambe ta buscando boluntario! Tuma contacto cu organisadornan via www.artrulesaruba.com y pa e ultimo noticia sigui Art Rules riba social media www.facebook.com/artrulesaruba @artrulesU riba twitter y @artrulesflicks riba instagram