Recientemente a tene un rueda di prensa
tocante e prome 10K run di Amsterdam Manor Beach Resort. Amsterdam Manor Beach
Resort ta den celebracion e aña aki door cu nan ta celebrando 25 aña di existencia.
En coneccion cu esaki Amsterdam Manor Beach Resort ta organizando varios actividad
pa nan huespednan, staff y tambe e comunidad di Aruba durante e aña aki. Asina e
resort ta duna danki na e pueblo, huespednan cu ta bin tur aña y tambe na nan staff pa
nan tremendo trabow.
Pesey mes a dicidi di organiza un 10k run conhuntamente cu IBISA . E costo pa e 10k
run lo ta 25 florin y tambe lo ricibi un bunita dry fit t shirt. Tur partipante lo ricibi un
medaya na final después cu nan completa e 10k y naturalmente lo saca e ganadornan
cu lo ricibi nan trofeo na final.
E ruta lo ta cuminsando di Amsterdam Manor Beach Resort bay direccion Divi Phoenix,
bay bek direccion Amsterdam Manor Beach Resort bek, sigiu riba e routa di Eagle
Beach te na Alhambra Casino bay bek Divi Phoenix y bin bek e mesun ruta bay
Alhambra Casino. Na e crusada ta lora bay y caba na MVC Eagle Beach (cu tambe ta
cay bou di e maneho di Amsterdam Manor Beach Resort) cu ta e finish line.
Pa participa por jena un formulario na IBISA y incripcion ta cuminsa dia 18 di mei.
Por fax e bek na 5836478 of contact Mr.Juni Dake na 5824987, tambe por
email: juan.dake@aruba.gov.aw of ibisa.aruba@gmail.com no mas tarda cu 28 di mei
Tambe por download e formulario riba facebook page di Amsterdam Manor Beach
Resort: www.facebook.com/AMBRARUBA of bishita e page di IBISA ARUBA:
www.facebook.com/ IBISAARUBA.
