Tim Smit, e doño nobo di dos famoso restaurant situa na Palm Beach, esta Amazonia Churrascaria y Sushi Salsa, a disfruta di e placer distinto di por introduci su area refresca di Amazonia Lounge & Sports Bar na amigonan y fanaticonan, durante e re-apertura di e bar cu a tuma luga recientemente.
Mientras cu Sushi Salsa a muda pa e parti zuid di e restaurant, e lounge espacioso a wordo ekipa cu televisionnan di pantaya grandi y lo keda un luga activo y amabel pa deporte y entretenimento, un luga pa relaha prome y despues di bo cena, unda bishitantenan por combersa pa un periodo mas largo di tempo, bebiendo cocktails of purbando un surtido di pasapalo di bar.
E delicioso pasapalonan di bar ta inclui BBQ Loin Ribs, Brazilian Sausage, Grouper Fingers, Mozzarella Sticks, pasapalo Hulandes popular, ademas di Coconut Shrimp, Tuna y Salmon Sushi y Sashimi, Seaweed Salad, Crab salad, y e Sushi Salsa Rolls popular cu ta inclui Crispy Eel, Tiger, Rainbow y Amazonia.
Smit ta raporta cu e restaurant recientemente a pasa door di mehoracionnan y cambionan considerabel pa asina prepara pa e FIFA Copa Mundial 2014, cual lo wordo transmiti den e lounge durante henter e temporada di futbol.
E area expandi di Sushi Salsa, cual a dobla den tamaño, awo ta conta cu stulnan elegante rond di un bar cuadra, cu luznan blou briyante di LED, decoracion di piedra y palo natural, y accesorionan di luz acaba cu stainless steel. E bunita espacio combina cu delicioso sushi sigur lo cai na agrado di un cantidad creciente di fanatico di e restaurant.
Aki por mira amigonan y esnan deseando Smit exito, yegando na Amazonia Churrascaria pa e partido di Spaña contra Hulanda, bisti na orañe di pia pa cabes pa asina mustra nan sosten di e ekipo Hulandes, te hasta nan BH tabata orañe! E muchanan tabata druk ta bula den e Dino Jump, permitiendo nan mayornan e oportunidad pa wak e wega sin cu nan a wordo molestia.
