48 Salon di beyesa y Spa lo participa na Viva La Donna Day 2015

Mary Joan Foundation cu charla pa e estilistanan E aña aki lo ta di ocho biaha cu Viva La Donna Day ta wordo organisa aki na Aruba. E ta un dia caminda diferente Spa y Beauty Salon ta regala tratamento gratis na esnan cu tin of cu a sobrevivi cancer. E actividad bunita aki no lo tabata posibel sin e donacion di 48 salon di beyesa/spa ni tur e estilistanan kende cu amor y dedicacion ta hasi e dia aki uno inolvidabel pa tur cu ta participa. Pa bisa nan danki pero tambe pa duna nan informacion Mary Joan Foundation a organisa un anochi di informacion caminda tur presente por a haya sa mas over di cancer na pecho. Nos como fundacion ta sondia diferente manera cu por sigi concientisa nos comunidad cu detecta cancer di pecho na tempo por salba bo bida. Pa es motibo a oganisa e charla aki ya cu nos hende muher frecuentemente ta bai un salon y aki e estilistanan por yuda den concientisa awor cu nan tin mas informacion di e malesa aki. Mary Joan Foundation kier cuminsa gradici tur esnan cu diaranson awor 20 di mei lo hasi e dia aki uno special pa esnan cu tin cancer. Danki pa e contribucion y colaboracion pa hasi e evento aki uno exitoso como tambe bondadoso.