alydia potret di biblioteca national

29 April ta Dia International di Baile


Riba 29 di april 1982 Dia Internacional di Baile a ser celebra pa prome biaha rond mundo door di e comunidad internacional di baliadonan. Un initiativa ku a ser proclama door di CID, The Internacional Dance Council – UNESCO. E fecha a worde scogi pasobra e ta e fecha di nasemento na aña 1727 di un gran coreografo revolutionario y baliado frances ‘Jean Georges Noverre’ cu a scirbi e prome buki tocante e teoria di balet ‘Lettres sur la Danse et les Ballets’ cu a causa un impacto y a trese hopi cambionan den e desaroyo di e arte di balet. E meta principal di Dia Internacional di Baile ta pa atrae atencion di publico pa cu e arte di baile en general, pa crusa bareranan politico, cultural y etnico y trese e ser humano huntu den un idioma comun, esta baile. Na aña 2010 Fundacion Skol di Baile pa prome biaha a celebra Dia Internacional di Baile en koperashon cu otro skolnan di baile, lokwal lo sosode e biaha aki atrobe Tur aña a sigi celebre y como ta e prome lustro lo dedica e presentacion na nos folklor y tradicionan cu lo encera no solamente nos bailenan pero splicacion di su origen y karakteristikonan. Publico lo por goza con nos bailenan tradishonal por worde presenta den un forma teatral door di incorpora teknica y coreografia. Diamars 29 di april lo tin 2 presentacion 7 – 8 p.m. y 8:30 – 9:30 p.m. den Cas di Cultura y entrada ta gratis. Kaarchinan obtenibel na Cas di Cultura, Skol di Baile, Boekhandel Van Dorp y Skol di Arte na San-Nicolas Fundacion Skol di Baile “Diana Antonette” ta gradici Unoca, Boekhandel Van Dorp cu semper e sostene nos eventonan cultural y tur esnan cu ta coopera, entre otro Step by Step Academy y Simadanza. Un invitacion pa henter e pueblo di Aruba pa bin celebra nos Folklor riba e dia tan especial ‘Dia Internacional di Baile’.   potret ta di Bibliotecnacional.aw

Leave a Comment