fifa world cup aruba

Tropical Bottling Company y Brouwerij Nacional Balashi a lansa campaña di FIFA World Cup


E ambiente di World Cup 2014 ta den full swing. Relaciona cu esaki Tropical Bottling Company y Brouwerij Nacional Balashi a lansa un campaña caminda tur e amantenan di futbol por gana premionan hopi bunita di un manera masha facil. Durante un conferencia di prensa teni na Touchdown Sports Bar & Grill, Garret Koolman a duna di conoce cu a traves di e campaña aki pueblo di Aruba por gana bunita T-shirtnan cu nan a laga traha specialmente den e colornan di e diferente teamnan. Pa gana e T-shirtnan ta facil. Cumpra dos caha di Balashi na cualkier di e 10 supermercadonan participante y bo lo ricibi un T-shirt cu ta bisa: “Dal e bala” cu e color di e team di bo preferencia. E stock di T-shirtnan ta limita ta pa e motibo ey cu ta recomenda pa pasa awe mes cumpra bo cahanan di Balashi pa bo ricibi e T-shirt di bo team. Cu Bacardi tambe bo por gana! Cumpra 2 boter di Bacardi y tambe bo lo ricibi un T-shirt di “Dal e bala” di Mundial 2014, Koolman a splica. Ya caba e campaña aki ta na vigor entrante 11 di juni y e deseo ta pa tur hende participa y keda disfruta di e ambiente FIFA 2014 cu Balashi y Tropical Bottling Company. Banda di esaki por ricibi diferente otro articulo masha bunita. E gasoline stations di Valero tambe ta participa den e campaña aki y cu cada compra di 2 boter di 2 liter di Coca Cola y 25 florin na gasolin bo lo ricibi un bala. Na e supermarketnan, cu compra di 2 boter di 2 liter di Coca Cola, bo lo ricibi e “Coca Cola Fluit” of “Coca Cola Cooler” of bo pechi di Coca Cola. Ademas, bo por haya e “pocket size schedules” cu informacion tocante orario di e weganan, luganan caminda tin specials di e “bucket deals” y e “hard liqueurs”. Ta bay tin actividadnan den e barnan caminda lo tin promo girls cu ta bay ta partiendo shots. “Nos ta invita full pueblo di Aruba pa bin mira e weganan na cualkier di e barnan participante”, Zila Wever a expresa.

Leave a Comment